शिक्षा नै बिकास को मूल आधार हो भन्ने मूल नारासहित स्थापित तथा सामाजिक कार्यमा सक्रिय संस्था घाँसी आदर्श समाज नेपाल (घाँसी नेपाल) लाइ श्री बाल बोध माध्यमिक बिद्यालय नागार्जुन -८ भिमढुङ्गा ले सम्मान गरेको छ ।
बिद्यालय द्वारा आयोजित सम्मान तथा तीज बिशेष कार्यक्रममा विभिन्न सहयोगी संस्थाहरुलाई सम्मान गरिएको हो । महाभूकम्प २०७२ को कारण विध्यालयको भवन पूर्ण रुपमा क्षति भएको अवस्थामा घांसी आदर्श समाज नेपालले तिन कोठे बिध्यालय भवन निर्माण गरिदिएको थियो ।
कार्यक्रममा बोल्दै घाँसी आदर्श समाज नेपालका अध्यक्ष माधव प्रसाद घिमिरेले भूकम्पले क्षत विक्षत अवस्थामा आफ्नो संस्थाले बिद्यार्थीको भविस्यलाइ मध्यनजर राखेर भवन निर्माण गरेको र सो कर्मप्रति आफुलाई गर्व महशुस भएको बताउदै आगामी दिनमा पनि आफ्नो संस्थाले गर्न सक्ने सहयोगमा सहभागी हुने इच्छा व्यक्त गर्नु भयो ।
कार्यक्रममा प्रमुख अतिथिको रुपमा उपस्थित प्रदेश न.३ का प्रदेश सभा सदस्य केशव प्रसाद पोखरेलले सरकारको ध्यान अब बिकास निर्माण र प्रगतिमा केन्द्रित रहेको तर सरकारले मात्रै सबै कुरा गर्न समस्या परिरहेको अवस्थामा सामाजिक संस्थाको भूमिका महत्वपुर्ण रहने धारणा राख्दै घाँसी नेपाललाइ धन्यवाद सहित आगामी दिनको लागि शुभकामना ब्यक्त गर्नु भयो ।
सो कार्यक्रममा बिद्यालय मा छात्रवृत्ति वितरण तथा छात्रवृत्ति कोष स्थापना गर्नुहुने सहयोगी दाताहरुलाई समेत सम्मान गरिएको थियो । कार्यक्रममा बोल्दै वि.व्या.स. अध्यक्ष गोकुल कुँवरले बिद्यालय को उन्नति र प्रगति का लागि सहयोग गर्नु हुने सबै संस्था प्रति आभार ब्यक्त गर्दै आगामी दिनमा पनि साथ र सहयोगको अपेक्षा गरेको बताउनुभएको थियो ।