काठमाण्डौ । अस्थायी शिक्षक संघर्ष समितिले भोलीबाट सुरु हुने अस्थायी शिक्षकको परिक्षा बहिष्कार गर्ने घोषणा गरेको छ ।
बिहीबार रिपोर्टस क्लबमा पत्रकार सम्मेलन गरेर समितिले आफुहरुको माग पुरा नभएको भन्दै परिक्षामा सहभागी नहुने जानकारी दिएको हो ।
पत्रकार सम्मेलनमा समितिका महासचिव कुमोद कुमार कर्णले सम्पूर्ण अस्थायी शिक्षकलाई प्रक्रिया पुर्याई स्थायी गरिनुपर्ने, शतप्रतिशत अस्थायी सेवा अवधिमा गणना गरिनुपर्ने लगाएतका माग रहेको बताए ।
स्वेच्छिक अवकाश लिन चाहने अस्थायी शिक्षकलाई स्थायी शिक्षकसरह सेवा सुविधा प्रदान गरिनुपर्ने माग रहेको उनको भनाई थियो । कर्णले अस्थायी शिक्षक अहिलको अबस्थामा परिक्षामा सहभागी हुन नसक्ने भन्दै परिक्षा बहिष्कार गरेर आन्दोलन जारी राख्ने बताए ।
चार पटक स्थगित भएको अस्थायी शिक्षकको परिक्षा आगामी असार २९ र ३० गते हुन लागेको हो ।
कार्यतालिका अनुसार माध्यमिक र निम्न माध्यमिकको परिक्षा भोली असार २९ गते र प्राथमिक तहको परीक्षा असार ३० गते हुने भएको हो । यसअघि गत चैत १३ गते उक्त परिक्षा स्थगित भएको थियो । परिक्षामासबै तह गरि २३ हजार २ सय ८६ अस्थायी शिक्षकले आवेदन पेश गरेका थिए ।
