वैशाख २८,२०७८ / ०७ : ०६ अपरान्ह / 2021-05-11 07:06 pm
      • Salt Trading

      वैकल्पिक विधिको पठनपाठनलाई मान्यता

      - ११ घण्टा अगाडि
      भाद्र २६,२०७७

      काठमाडौं, सरकारले कोरोना भाइरसको सङ्क्रमण कायमै रहेको अवस्थामा विद्यार्थीको शैक्षिक सत्रलाई सदुपयोग गर्ने वैकल्पिक विधिको पठनपाठनलाई औपचारिक रूपमा मान्यता दिएको छ ।

      शिक्षण सिकाइ कार्यलाई निरन्तर, प्रभावकारी र व्यवस्थित गर्ने तथा दूर र खुला शिक्षा लगायतका प्रणालीलाई तत्काल सिकाइ सहजीकरणको प्रणालीका लागि मान्यता दिन ‘विद्यार्थी सिकाइ सहजीकरण निर्देशिका–२०७७’ जारी गर्ने निर्णय गरेसँगै निजी विद्यालयले स्थानीय तहको स्वीकृतिमा शुल्क उठाउन पाउने छन् । यसअघि मन्त्रालयले नै शुल्क उठाउन रोकेको थियो ।

      शिक्षा, विज्ञान तथा प्रविधि मन्त्रालयका प्रवक्ता एवं सहसचिव दीपक शर्माले नियमित भौतिक कक्षा सञ्चालन हुन नसकेको अवस्थामा वैकल्पिक विधिलाई नै सिकाइको मूलधार मान्न निर्देशिकाले मान्यता दिएको जानकारी दिनुभयो । सरकारले असार १ गतेबाट वैकल्पिक विधिको पठनपाठनको सुरुवात गर्ने घोषणा गरेकोमा निर्देशिकाले त्यसलाई समेत मान्यता दिएको छ । नयाँ निर्देशिकाले विद्यार्थीको मूल्याङ्कन, पाठ्यक्रम लगायतका पक्षलाई प्राथमिकताका साथ समेटेको र सबैको भूमिकालाई स्पष्ट गरिएको प्रवक्ता शर्माले बताउनुभयो । शिक्षा ऐनले दिएको अधिकार अनुसार मन्त्रालयले निर्देशिका जारी गरेको हो ।

      सिकाइ सहजीकरण प्रणाली अन्तर्गत रेडियो, एफएम रेडियो, टेलिभिजन, अनलाइन, अफलाइन परियोजना कार्यहरू, स्वअध्ययन दूर तथा खुला शिक्षालगायतका वैकल्पिक माध्यम, पद्धति वा प्रत्यक्ष साक्षात्कार माध्यमबाट अध्ययन अध्यापन सुचारु राख्ने प्रक्रिया या विधिका रूपमा सरकारले परिभाषित गरेको छ ।

      निजी क्षेत्रबाट स्वागत

      सरकारले विद्यार्थी सिकाइ सहजीकरण निर्देशिका जारी गरेकोमा निजी क्षेत्रले स्वागत गरेको छ । निजी तथा आवासीय विद्यालय अर्गनाइजेसन नेपाल ९प्याब्सन०का अध्यक्ष टीका पुरीले ढिलै भए पनि सरकारले वैकल्पिक विधिलाई मान्यता दिएर शैक्षिक सत्रको सदुपयोग गर्न खोजेको भन्दै यसलाई सकारात्मक रूपमा लिनुपर्ने बताए ।

      शिक्षकलाई बढी जिम्मेवारी

      निर्देशिकामा विद्यालयले शैक्षिक सत्र पूरा हुने अवधि समेतलाई ध्यानमा राखी पाठ्यक्रम, कार्यान्वयन गर्न सिकाइ क्रियाकलापसम्बन्धी उपयुक्त ढाँचा, तरिका वा शिक्षण विधिहरू अवलम्बन गर्नसक्ने व्यवस्था गरेको छ । साथै कक्षा विषय वा स्थानका आधारमा समूहकृत गरी विद्यार्थीको सहजीकरणका लागि विद्यालयले समूहगत रूपमा शिक्षकलाई जिम्मेबारी तोक्नुपर्ने व्यवस्था निर्देशिकाले गरेको छ । गोरखापत्र दैनिकमा शेषकान्त पण्डितले खबर  लेखेका छन् । 

        सम्बन्धित समाचारहरु