काठमाडौं, सर्लाहीको मलंगवा नगरपालिका–२ मा अवैध १७ लाख ९० हजार नेपाली रुपैयाँसहित दुई जना पक्राउ परेका छन् ।
भारतबाट नेपाल प्रवेश गरेको बीआर ३० बीए २४५८ नम्बरको ट्रकलाई जाँच्ने क्रममा भन्सार चेक पोष्टमा खटिएका सशस्त्र प्रहरीले स्रोत नखुलेको रकम बरामद भएको हो ।
पक्राउ पर्नेमा सवारी चालक ४२ वर्षीय रामललित मण्डल र सह–चालक ३३ वर्षको निरजकुमार मण्डल छन् । सशस्त्र प्रहरीका अनुसार ट्रकमा उनीहरुले धान ल्याएका थिए । थप अनुसन्धान भइरहेको छ ।
