काठमाडौं, नेप्से बजार मंगलबार सुस्ताएको छ । चलेका कम्पनिहरुको सेयर कम मुल्यमा पाएता पनि निरन्तर लगानी कर्ताहरुले चासो नदेखाए पछि सेयर कजार सुस्ताएको हो ।
मंगलबार नेप्सेपरिसुचक २.९१ अंकले घटेर १ हजार १ सय ९१ दशमलव ४७ को विन्दुमा झरेको छ । उता कारोबार रकम समेत घटेर १६ करोड ७७ लाखमा सिमित बन्न पुगेको छ । बजार सुधारका लागि महत्वपूर्ण मानिएको व्याजदर घट्न नसक्दा लगानीकर्ताहरुको मनोबलमा उत्साह थपिन नसकेको हो ।
मंगलबार हधिकांस राष्ट्रिय स्तरको विकास बैंकले राम्रो फड्को मारेको रिपोर्ट सार्वजनिक गरेता पनि त्यसले बजारलाई माथी उठाउने भुमिका निर्भाव गर्न सकेन । पछिल्लो केही दिन यता बजारमा केही सुधारको संकेत देखीएको थियो । तर मंगलबारको बजारले पुन ः लगानीकर्तामा निराशा उब्जाएको छ ।
साताको तेश्रो कारोबार दिन(मंगलबार) बजारमा क वर्गका कम्पनीहरुमा बिक्री चाप बढेको देखियो, यहीकारण सेन्सेटिभ इण्डेक्स ०.५४ अंकले घट्यो भने समग्र कारोबार मापक फ्लोट इण्डेक्समा पनि ०.२२ अंकको गिरावट देखियो ।
यो दिन विकास बैंक समूह ३.११ अंकले बढ्यो भने जलविद्युत समूहमा २.९८ र बित्त समूहमा ०.७८ अंकको सुधार देखियो । बाँकी सबै समूहको उपसूचकमा राताम्मे बनेको छ ।
बैंकिङ समूह २.२६ अंकले घटेको यो दिन होटल समूहमा १७.१८ अंकको गिरावट आएको छ । यस्तै, निर्जीवन बिमा समूहको उपसूचक २४.९५ अंकले घटेको यो दिन जीवन बिमा समूहमा भने २७.६१ अंकको गिरावट आएको छ भने माइक्रोफाइनान्स समूह ५.६१ अंकले घट्न पुग्यो ।
उता उत्पादनमूलक ५.३६ र अन्य समूह २.४६ अंकले घटेको छ ।
