काठमाडौं, केही दिनबाट निरन्तर ओरालो लागेको सेयर बजार साताको पहिलो दिन केही सुधार भएको छ ।
“क” वर्गको कम्पनिहरुमा खरिदको चाप देखीएका कारण नेप्सेमा केही सुधार आएको हो । आईतबारको नेप्से परिसुचक ३.६२ अंकले बढेर १ हजार एक सय ९१ दशमलव ८२ को विन्दुमा पुगेको छ । पहिलो दिनको कारोवारमा सेन्सेटिभ इण्डेक्स ०.५९ अंकले बढेको छ भने समग्र कारोबार मापक फ्लोट इण्डेक्समा समेत ०.२२ अंकको सुधार देखिएको छ ।
जसमा होटल समूह २०.१४ अंकले घटेको यो दिन जलविद्युत समूह ३.९९, बित्त समूह १.१२, उत्पादनमूलक ६.८२ र माइक्रोफाइनान्स समूह १.५ अंकले घटे । यो दिन बैंकिङ समूह भने २.९४ अंकले बढ्यो ।
यस्तै, विकास बैंक समूह ६.७७ अंक, निर्जीवन बिमा समूह ९.९२ अंक, जीवन बिमा समूह ५२.६७ अंक तथा अन्य समूह ६.३६ अंकले बढे ।
