कालीमाटी फलफूल तथा तरकारी बजारका किसानहरुले उचित मूल्य नपाएको भन्दै सडक किनारामा गोडभेँडा फालेका छन् ।
आइतबार बिहान गोलभेँडा लिएर कालीमाटी फलफूल तथा तरकारी बजार कालीमाटी पुगेका काठमाडौं, ललिलतपुर र भक्तपुरका किसानहरूले १० टनभन्दा बढी गोलभेँडा सडकमा फालरेर विरोध जनाएका हुन ।
कालीमाटी फलफूल तथा तरकारी बजार विकास समितिका सूचना अधिकारी विनय श्रेष्ठले खपत हुन छाडेको भन्दै किसान र व्यापारीहरुले बजार परिसरभित्र गोलभेंडा फ्याँकेको बताए । उनका अनुशार ब्यापारीहरुले बिहान कायम गरेको मुल्य बेलुका परिवर्तन भइसकेको हुने भन्दै किसानहरु बिचौलियाहरुबाट मारमा परेको गुनासो ब्यक्त गरेका थिए ।
किसानहरुले गोलभेँडाले उचित मुल्य नपाए माइतिघर र सिंहदरवार परिसरमा पनि गोडभेँडा फ्याक्ने चेतावानी दिएका छन् ।
