मंसिर २०,२०७९ / ०१ : १९ अपरान्ह / 2022-12-06 01:19 pm

        धनकुटामा कृषि प्रदर्शनी मेला सम्पन्न, ४ कृषक पुरस्कृत

        - ३ हप्ता अगाडि
        कार्तिक २७,२०७९

        धनकुटा, धनकुटाको डाँडा बजारमा एक दिने कृषि प्रदर्शनी मेला सम्पन्न भएको छ । शनिवार साँगुरी गढी गाउँपालिका–५ स्थित डाँडा बजारमा कृषि प्रदर्शनी मेला आयोजना गरिएको हो। 

        कृषकको उत्पादनलाई विभिन्न ४ विधामा राखेर पुरस्कारको लागि मूल्याङ्कन गरिएको थियो । कृषि उपजका विधाहरूमा नगदे बाली, तरकारी बाली, फलफूल बाली, खाद्यान्न बाली, दलहन बालीलाई छुट्टाछुट्टै रूपमा प्रदर्शनीमा थियो । प्रदर्शनीमा राखिएका कृषि सामग्रीको मूल्याङ्कन गरी प्रथम, दोस्रो, तेस्रो, चौथो र सान्त्वना स्थान हासिल गर्ने कृषकलाई पुरस्कृत गरिएको थियो । 

        साँगुरी गढी गाउँपालिका वडा नंं. ५ को आयोजनामा भएको मेलामा वडाध्यक्ष खड्ग लिम्बूले निर्वाहमुखी खेती प्रणालीलाई व्यावसायिक खेतीमा रूपान्तरण गर्नका लागि कृषकलाई प्रेरित गर्नका लागि मेला आयोजना गरिएको  बताए ।

        कृषि मेलाको उद्घाटन साँगुरी गढी गाउँपालिका अध्यक्ष जितेन्द्र रुम्दाली राईले गरेका थिए । राईले यस प्रकारका मेलाले कृषि उत्पादनको प्रवर्द्धन गर्न मदत गर्ने बताए । त्यस्तै कृषि उत्पादनलाई ब्राण्डीङ्ग गर्न गाँउपालीकाले तयारी गरेको समेत बताए । 

          सम्बन्धित समाचारहरु