असोज ६,२०७७ / ०६ : २५ पूर्वान्ह / 2020-09-22 06:25 am
      • Salt Trading

      सलहले बाली पुरै नष्ट गरेपछि खाद्यान्न अभाव हुने चिन्ता

      - २ महिना अगाडि
      असार ३०,२०७७

      प्युठान,  कोरोनाको तनावका बीच भित्रिएको सलहले हुर्कँदै गरेको बाली पुरै नष्ट गरेपछि खाद्यान्न अभाव हुने भएपछि किसान चिन्तामा परेका छन् ।

      फेरी सोमबार बिहानदेखि प्युठान जिल्लाका प्रायः सबैजसो क्षेत्रमा फैलिएको सलह मकैबालीमा छिरेपछि किसानले टिन र थाल ठटाउँदै सलह भगाउन थालेका छन् तर किसानले धुवाँ बाल्ने, टिन, थाल, जर्किनलगायतका स्थानीय सामग्री ठटाउँदै सलह भगाउन खोज्दा पनि नभागेपछि किसान थप चिन्तित बनेका छन् । लाखौँको सङ्ख्यामा भएकाले भगाउन नसकिएको प्युठान नगरपालिका–१ का कृषकहरु बताउँछन् ।

      स्थानियका अनुसार सलहले धान, मकै, तरकारी बालीमा नोक्सान पु¥याइरहेको छ । बालीभरि ढाक्ने गरी सलह बसेको हुँदा किसानहरुले भगाउन नसकेको गुनासो गरेका छन् ।

      प्युठान नगरपालिकाका १० वडामा सलह फैलिएको छ । पाकिस्तानबाट भारत हुँदै नेपाल प्रवेश गरेको सलह जिल्लाका गाउँगाउँमा पुगेको प्रधानमन्त्री कृषि आधुनिकीकरण परियोजना, परियोजना कार्यान्वयन एकाइ धान–जोन प्युठानका निमित्त प्रमुख कृषि अधिकृत सुमन खनालले जानकारी दिए । आइतबार सरुमारानी गाउँपालिका–१ बाङ्गेशालमा देखिएको सलह सोमबार प्युठानका गाउँगाउँमा प्रवेश गरेको थियो । सलहले प्युठान नगरपालिकासँगै जिल्लाका नौबहिनी, ऐरावती, गौमुखी, सरुमारानी, माण्डवी र भिमरुक गाउँपालिकामा बाली नष्ट गरेको अधिकृत खनालको भनाइ छ ।

      कोरोनाको तनावका बीच भित्रिएको सलहले हुर्कँदै गरेको कोदो र मकैबाली नष्ट गरेपछि खाद्यान्न अभाव हुने भएपछि किसान चिन्तामा परेका छन् । क्षतिको यकिन तथ्याङ्क सङ्कलन गरी राहत दिन किसानले सरकारसँग आग्रह गरेका छन् ।

        सम्बन्धित समाचारहरु