वीपी कोइरालाको चर्चित उपन्यास तीन घुम्तीकी पात्र इन्द्रमायाँको जीवनमा घटेका तीनवटा घटनाहरु झै डा.सुधा देवकोटाको जीवनमा पनि तीनवटा मोडहरु आए । जुन कठिन थिए तर उनले बेलैमा सम्हालिन् ।
युक्रेनबाट एमविविएस गरेर सरकारी सेवामा प्रवेश गरेकी उनी अहिले कोशी प्रदेशको स्वास्थ्य मन्त्रालयकी सचिव हुन् । बाबु आमाको दोश्रो सन्तानको रुपमा जन्मिएकी उनलाई जन्मने वित्तिकै पुरुष प्रधान समाजको कोर्राले नराम्ररी प्रहार ग¥यो ।
उनी जन्मदा उनका पिता सुदर्शनलाई चिकित्सकले ‘मलाई माफ गर्नु तपाईकी छोरी जन्मिई’ भनेको शब्दले उनीमा महिलाले पनि पुरुष भन्दा राम्रो गर्न सक्छन् भन्ने इख जन्माउछ । शिक्षित कुलमा जन्मिएकी उनलाई छोरा र छोरी बिचको क्रुर बिभेदको सामना गर्नु परेन ।
बाबुले नै मेरी छोरीलाई छोरा सरहनै बनाउछु भन्ने प्रण लिएपछि उनले समाजको हरेक विभेदका पर्खाल नाघ्दै, अनेकौँ संघर्षसंग जुद्धै गइन् र आँफुले चाहेजस्तो परिस्थितिमा जीवनलाई पु¥याउन सफल भइन् । हो उनै कुशल, निडर, अनि जस्तोसुकै परिस्थितीलाई सामना गर्न सक्ने एक साहसिक नारी डाक्टर सुधा देवकोटाको जीवन र भोगाई ।
